Байқоңыр ауданындағы бірқатар аула жаңартылды

ашық дереккөз

Байқоңыр ауданындағы бірқатар ауланың жөндеу жұмыстары аяқталды, деп хабарлайды Елорда Инфо аудан әкімдігінің баспасөз қызметіне сілтеме жасап. "Республика даңғылы, 6 және С.Сейфуллин көшесі, 65 мекенжайларындағы жаттығуға арналған және ойын жабдықтарын орнату жұмыстары аяқталды. Бұл аулаларда жасанды көгалдарды төсеу жұмыстары да жүргізілді. Сондай-ақ С.Сейфуллин көшесі, 33 және Кенесары көшесі, 42 мекенжайлары бойынша спорт алаңдарын жөндеу және қалпына келтіру жұмыстары жүргізілуде.⁣⁣ Алдағы уақытта бұл алаңдар аула тұрғындарының сүйікті демалыс орнына айналады деген сенімдеміз", – делінген хабарламада.