Астанада бірқатар көше 25 мамырға дейін жабылады

Бұл жөндеу жұмыстарының жүргізілуімен байланысты, деп хабарлайды Елорда Инфо тілшісі әкімдіктің ресми сайтына сілтеме жасап. Нұр-Сұлтан қаласының көлік және жол-көлік инфрақұрылымын дамыту басқармасы қаланың көше-жол желісін орташа жөндеу шеңберінде Жеңіс даңғылы бойынша Кенесары көшесінен Бұқарбай батыр көшесіне дейінгі учаскеде жөндеу жұмыстарын жоспарлап отыр. Сондай-ақ Бұқарбай батыр көшесі бойынша Жеңіс даңғылынан Ирченко көшесіне дейінгі учаскеде жол жүру бөлігін ішінара жабу жоспарлануда. Бұл жұмыстар 15-25 мамыр аралығында жүргізіледі. «Елорда тұрғындары мен қонақтары жолдардағы кептелістің алдын алу үшін өз бағдарын алдын ала жоспарлауы қажет. Келтірілген қолайсыздықтар үшін кешірім өтініп, жөндеу жүргізуге түсіністікпен қарауды сұраймыз», – деді көлік және жол-көлік инфрақұрылымын дамыту басқармасы.