«Жанұя» орталығында отбасы құндылықтарын нығайту жөнінде арнайы шара өтеді

Елорда әкімдігі мен «Рухани қоғам әлемі» қоғамдық қоры бірлесіп «Отбасы құндылықтарын нығайту және гендрлік мәдениетті қалыптастыру» жобасын жүзеге асырады, деп хабарлайды Елорда Инфо "Жанұя" отбасын қолдау орталығына сілтеме жасап. Елімізде 2013 жылдан бастап Елбасы Н.Назарбаевтың жарлығымен «Отбасы күні» аталып келеді. Нұрсұлтан Назарбаев мемлекет отбасыдан басталатынын, сол себепті де біздің қоғамдағы жанұялық құндылықтарды нығайтудың маңызы зор екенін, бұл мерекенің маңызды екенін айтқан болатын. "Осыған байланысты «Бақытты отбасы – мықты мемлекеттің негізі» атты ашық сұхбат өткізеді. Шараға ҚР Қазақстан Республикасы Парламенті Мәжілісінің депутаты, ҚР Президент жанындағы «Әйелдер ісі және отбасылық-демографикалық саясаты жөніндегі ұлттық комиссия», қала әкімінің жанындағы әйелдер істері және отбасылық-демографиялық саясат жөніндегі комиссиясының мүшелері, БҰҰ-ның гендерлік теңдік мәселелері жөніндегі өкілдерінен қонақтар қатысады деп күтілуде. Сонымен қатар Ата-әжелер клубы, әкелер одағы, аналар одағы қатысып пікір бөліседі", – делінген хабарламада. Шара 11 қыркүйек күні сағат 11:00-де «Жанұя» отбасын қолдау орталығында (Бейбітшілік көшесі, 14) өтеді. https://www.instagram.com/p/CE3Cp3bJvRk/?igshid=1oqnxolz9fltm