25-тамыздан бастап бірқатар жолаушылар пойыздарының қозғалысы қалпына келтіріледі

25-тамыздан бастап бірқатар жолаушылар пойыздарының қозғалысы қалпына келтіріледі. Бұл туралы Елорда Инфо «Жолаушылар тасымалы» АҚ баспасөз қызметіне сілтеме жасап хабарлайды. «Жолаушылар тасымалы» АҚ № 4/3 «Нұр-Сұлтан - Нұрлы жол – Алматы-2» бағытындағы жолаушылар пойызы 25, 27, 29 тамыз және 1, 3, 5, 7, 9, 11 қыркүйекте Нұр-Сұлтан - Нұрлы жолдан жөнелтіледі. Ал  26, 28, 30 тамыз және 2, 4, 6, 8, 10, 12 қыркүйекте Алматыдан келу/жөнелтілуі жоспарланған. Нұр-Сұлтан – Нұрлы жолға келуі 27, 29, 31 тамыз және 3, 5, 7, 9, 11, 13 қыркүйекте. «Сонымен қатар, № 68/67 «Нұр-Сұлтан – Нұрлы жол - Өскемен-1» бағытындағы пойыз 26, 30 тамыз және 3, 7, 11 қыркүйекте Нұр-Сұлтан-Нұрлы жолдан жөнелтілуі,  27, 31 тамызда және 4, 8, 12 қыркүйекте Өскеменнен келуі/жөнелтілуі, Нұр-Сұлтан – Нұрлы жолға келуі 2020ж. 28 тамызда және 1, 5, 9, 13 қыркүйекте жолаушылар пойызының қосымша рейстері тағайындалды», делінген хабарламада. Пойыздардың келуі/жөнелтілуі уақыты туралы барлық ақпаратты «105» анықтамалық телефоны арқылы алуға болады (стационарлық телефоннан қоңырау шалу тегін). Ұлттық тасымалдаушы жолаушыларға сапарларын алдын ала жоспарлап, жол жүру құжаттарын ресми BILET.RAILWAYS.KZ сайты арқылы ресімдеулерін сұрайды.