Барлық мектептер 1-қыркүйекке жылу беру маусымына толықтай дайын болады

Елімізде білім беру объектілері 1-қыркүйекке жылу беру маусымына толықтай дайын болады. Бұл туралы Елорда Инфо Қазақстан Республикасының Индустрия және инфрақұрылымдық даму министрлігігіне сілтеме жасап хабарлайды. Әкімдіктердің деректері бойынша қазіргі уақытта республика көлемінде жылыту маусымына дайындық шамамен 70% құрайды. 2020-2021 жылғы күзгі-қысқы кезеңіне дайындық жоспарына сәйкес биылғы 1  қыркүйекке  дейін  елімізде білім  беру объектілері 100% дайын болады. Барлық тұрғын үй-коммуналдық шаруашылық, тұрғын үй, денсаулық сақтау және әлеуметтік сала объектілері 2020  жылғы 15  қазанға  дейін  дайындалады. Жалпы алғанда, жылу беру маусымына дайындық жұмыстары тұрақты режимінде жүріп жатыр.