Елордада коронавируспен ауырғандардың 47 пайызы емделіп шықты

Нұр-Сұлтан қаласының Қоғамдық денсаулық сақтау басқармасының басшысы Сәуле Қисықова астанадағы эпидемиологиялық ахуалды мәлім етті, деп хабарлайды Елорда Инфо тілшісі. «Қазіргі уақытта 1 022 науқас ем қабылдап жатыр. Оның 67 пайызы – коронавиру инфекциясынан ем алушылар. Соңғы ақпаратқа сәйкес елордада коронавирусты 1 287 адам жұқтырғаны белгілі болды. Оның 84-і – 18 жасқа дейінгі балалар. Ал 62 пайызы – ер адам, 38 пайызы – әйел адам. 18-49 жас аралығында науқас 76 пайызды, 50-69 жастағылар 16 пайызды, 70 жастан жоғары 2 пайызды, балалар 6 пайызды құрап отыр», - дейді Сәуле Қисықова. Айта кетерлігі, ауырғандардың 47 пайызы бүгінгі таңда жазылып, 14 күндік үй карантиніне жіберілді. «Қазіргі таңда ауруханаларда 10 науқас тұрақты ауыр халде. Оның 2-еуі жасанды өкпе желдеткішіне қосылған. Емдеу бекітілген хаттамаға сәйкес жүргізіліп жатыр. Қалған науқастардың халі қанағаттанарлық, емдеу жалғасуда», - деп басқарма басшысы түсіндіріп өтті.