«Халық қатысатын бюджет»: елордада өтінім қабылдау басталды

Елорданың төрт ауданының әкімдіктері тұрғындардан «Халық қатысатын бюджет» жобасына қатысуға өтінімдер қабылдауды жалғастыруда. Қала тұрғындарының өз аулалары мен аудандарды абаттандыруға мүмкіндігі бар, деп хабарлады Elorda.info қала әкімдігінің ресми сайтына сілтеме жасап.

«Халыққа қатысатын бюджет» бағдарламасына ең ауқымды және қымбат жұмыстар кіреді:
* аумақты көгалдандыру;
* тротуарларды жайластыру;
* тротуарларды, пандустарды, арықтарды салу және жөндеу;
* жалпыға ортақ пайдаланылатын орындарды (саябақтар, гүлзарлар, жаяу жүргіншілер аймақтары, көшелер және өзге де нысандар) құру, жөндеу және жарықтандыру;
* жиектерді, төсеніштерді, тіреулерді жөндеу;
* балалар ойындарына және жалпы пайдалану орындарында ересек тұрғындардың демалуына арналған орындар, орындықтар, жәшіктер, жабдықтар мен конструкцияларды орнату және жөндеу;
* аула аумақтарында және жалпы пайдалану орындарында спорттық (тренажер алаңдарын, футбол, баскетбол, волейбол алаңдарын), балалар ойын алаңдарын орнату, жөндеу және жарықтандыру;
* санитарияны қамтамасыз ету.

Өз жобаларын кәмелетке толған астаналықтар ұсына алады. Өтінімдерді қабылдау 1 наурызға дейін Алматы, Есіл, Сарыарқа және Байқоңыр аудандары әкімі аппараттарының ресми сайттарында жалғасады.

Егер жобалық ұсынысты дауыс беру процесінде басқа тұрғындар қолдаса, оны биыл қалалық бюджет қаражаты есебінен іске асыру ұсынылады.

Ұсынысты жіберу үшін өтінімді (жобаның атауын, оның сипаттамасын көрсету) толтыру қажет, нобайы мен сметасын (индикативті болуы мүмкін), қазіргі күйдің фотосуреттерін, қалауыңыз бойынша презентацияны тіркеу қажет. Осы бөлімде осы жобаның ережелері, типтік жобалық ұсыныс, жоба бойынша іс-шаралар мерзімі, сараптамалық кеңестің құрамы көрсетілген.

Сараптамалық кеңес шешімінің нәтижелері әкімдіктердің интернет-ресурстарында жарияланатын болады.