Ералы Тоғжанов «Біргеміз» қоры қандай көмек көрсеткенін айтты

Қазақстан Премьер-министрінің орынбасары Ералы Тоғжанов төтенше жағдай кезінде мемлекет тарапынан көптеген көмек көрсетілгенін айтты, деп хабарлайды Елорда Инфо тілшісі. «Дер кезінде қабылданған нақты шаралардың арқасында инфекцияның таралуын бақылауға алдық. Ауру өсімінің 40-50 пайыздан соңғы апталарда 5,3 пайызға дейін төмендегенін айтқым келеді. Мемлекет, үкімет тарапынан көптеген көмек көрсетілді. Осы қиын кезеңде Елбасы үндеуімен арнайы құрылған «Біргеміз» атты қоры да карантиннің ең көп зардап шеккен шамамен 363 мың адамға 18 млрд теңге көлемінде көмек көрсетті. Әлеуметтік жағдайы төмен отбасыларға 5 млн маска тегін таратылды. Алғы шепте жүрген 2 мыңнан астам дәрігерге қаржылай көмек көрсетілді», - деді Ералы Тоғжанов брифингте.