Дәмхана, мейрамханалардың қашан ашылатыны әзірге белгісіз – Сұлтанғазиев

ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Тимур Сұлтанғазиев онлайн брифингте 1 мамырдан бері қалааралық авиарейстердің жолаушыларынан коронвирустың анықталмағанын айтты, Елорда Инфо. «Эпидемия басталғалы бері дәрігерлердің көмегінің арқасында 16 науқастан өкпені желдеткіш аппараты алынды. Ал жансақтау бөлімінен 69 науқас емделіп шықты», – деді ол. Сонымен қатар ол 1 мамырдан бастап ел ішіндегі қалалар арасындағы барыс-келіске, авиарейстерге рұқсат берілгенін тілге тиек етіп, осы уақыт ішінде ұшақтағы жолаушылардың бір-біріне вирус жұқтырған жағдайдың тіркелмегенін атап өтті. Ал дәмхана, мейрамханалардың келушілер үшін қашан есігін ашатыны туралы сұраққа Тимур Сұлтанғазиев бұл мәселенің әзірге белгісіз екенін, ол эпидемиялогиялық жағдайға байланысты болатынын айтты.