Елімізде ҰОС ардагерлерінің фотоларын жинақтау жобасы басталды

Нұр-Сұлтан қаласының «Орталықтандырылған кітапханалар жүйесі» Еске алу аллеясын құру мақсатында «Ерлер есімінің еске түсірейік» виртуалды акциясын бастады, деп хабарлайды Елорда Инфо аталған мекеменің баспасөз қызметіне сілтеме жасап. Акцияға қатысу үшін Ұлы Отан соғысына қатысқан туысыңыздың немесе тыл еңбеккерінің толық аты-жөнін жазып, фотосуретін +7 701 376 1591 (WhatsApp) нөміріне жіберу керек. «Көзге көрінбейтін сапарластар... Олар әрдайым жадымызда, ақ-қара фотосуреттегі бейнесі мәңгі көз алдымызда. Олар жеңіс пен бейбіт өмір сыйлаған нағыз батырлар. Оларды ұмытпаймыз, мақтан етеміз. Ұлы Жеңістің 75 жылдығы қарсаңында, 8 мамырда Instagram желісіндегі @kitap_kala парақшасында соғыс батырларының виртуалды галереясын ұсынамыз», - деп жазады «Орталықтандырылған кітапханалар жүйесі». Толығырақ astana-library.kz сайтынан біле аласыз.