Пәкістан Қазақстанға гуманитарлық көмек ретінде дәрі-дәрмектерді табыстады

ашық дереккөз

Пәкістан Қазақстанға гуманитарлық көмек ретінде дәрі-дәрмектерді табыстады. Бұл туралы Елорда Инфо Сыртқы істер министрлігіне сілтеме жасап хабарлайды. Пәкістан Ислам Республикасының Үкіметі Қазақстанның Исламабадтағы Елшілігіне коронавирус індетін емдеу кезінде пайдаланылатын гидроксихлорохиннің 60 мың таблеткасын табыстады. «Дәрі-дәрмектер жуық арада Нұр-Сұлтан қаласына жеткізіледі және медициналық мекемелер арасында тарату үшін бірыңғай дистрибьютор – «СҚ-Фармация» ЖШС-ке табысталады. ҚР Сыртқы істер министрлігі бауырлас Пәкістан халқы мен үкіметіне достық ниеті мен ишараты үшін алғыс білдіреді және бұл елдеріміз арасындағы ынтымақтастық рухына сәйкес келеді», деп көрсетті ведомствоның баспасөз қызметі.

Әлеуметтік желілерді бөлісіңіз