ҰБТ-2020. Бірнеше санаттағы түлектер үшін құжаттарды қабылдау мерзімі ұзартылды

Қазақстан Республикасының азаматы болып табылмайтын ұлты қазақ және шетелдегі оқу орнын бітірген адамдар үшін ҰБТ-2020 құжаттарды қабылдау  15 мамырына дейін ұзартылды. Бұл туралы Елорда Инфо Ұлттық тестілеу орталығына сілтеме жасап хабарлайды. «Егер ҰБТ-ға өтініш беру жөнінде сұрақтар туындаса, ЖОО-дағы қабылдау комиссияларының жауапты хатшыларына жүгінуге болады. Байланыстар телефондары Ұлттық тестілеу орталығының сайтында testcenter.kz басты бетте көрсетілген. Сонымен бірге, ҰБТ-2020 тіркелу кезінде қиындықтарға тап болған жағдайда, мәселені баяндай отыра, біздің info@testcenter.kz поштамызға хат жолдауға болады. Әр жағдай жеке қарастырылады», деп жазды Ұлттық тестілеу орталығының басшысы Дидар Смағұлов facebook желісіндегі парақшасында.