АҚШ қазақстандық дәрігерлерге COVID-19-бен күресте қорғаныс құралдарын тапсырды

АҚШ Қорғаныс министрлігі жанындағы әскери қауіпті азайту жөніндегі агенттік Қазақстанға қорғаныс құралдарымен бірге медициналық бұйымдар мен жабдықтарды берді, деп хабарлайды Елорда Инфо ҚР СІМ-нің баспасөз қызметіне сілтеме жасап. «Коронавирустық инфекцияның таралуына қарсы күресте тығыз ынтымақтастықты жалғастыра отырып, Қазақстан Сыртқы істер министрлігінің, «СК-Фармация» ЖШС мен Нұр-Сұлтан қаласындағы АҚШ елшілігінің өкілдері гуманитарлық жүкті беруге қатысты», - делінген хабарламада. Ведомстводан хабарлағандай, АҚШ Қорғаныс министрлігі жанындағы әскери қауіпті азайту жөніндегі агенттік Қазақстанға медициналық бұйымдар мен жабдықтар жіберді. Бұл тегін көмекке жеке қорғаныс құралдарының көп рет қолданылатын жиынтығы кіреді: комбинезон, бетперде, қолғап, көзілдірік.