Биыл өңірлерде автомобиль жолдары саласында 350 жоба іске асады

Биыл Қазақстан өңірлерінде автомобиль жолдары саласында 350 жоба іске асады, деп хабарлайды Елорда Инфо тілшісі Индустрия және инфрақұрылымдық даму министрлігіне сілтеме жасап. Автомобиль жолдары саласының алдында тұрған басым міндеттердің бірі – қазақстандықтарды «үйге дейінгі сапалы жолмен» қамтамасыз ету. 2020 жылы автомобиль жолдарының 4 мың шақырымы жөндеу жұмыстарымен қамтылады. Бұл ретте ел өңірлерінде 350 жоба іске асырылып, жөндеу жұмыстарына 30,5 мың адам жұмылдырылады. Атап өтсек, жергілікті жолдардың жалпы ұзындығы 70, 9 мың шақырымды құрайды. 2025 жылға дейін елімізде жергілікті жолдардың 27 мың шақырымы жөнделеді деп жоспарланып отыр. Бұл өз кезегінде жақсы және қанағаттанарлық жағдайдағы облыстық әрі аудандық маңызы бар жолдардың үлесін 95%-ға жеткізуге мүмкіндік береді.