ИИДМ: Жыл басынан бері теміржолмен тасымалданған жүк көлемі 2,1% артты

2020 жылғы қаңтар-наурыз айларында елімізде теміржол көлігімен 96,9 млн. тонна жүк тасымалданды. Бұл өткен жылдың сәйкес кезеңімен салыстырғанда 2,1% көп, деп хабарлайды Елорда Инфо Индустрия және инфрақұрылымдық даму министрлігінің баспасөз қызметіне сілтеме жасап. Жалпы алғанда, 2020 жылғы қаңтар-наурыз айларында транзиттік тасымалдардың жалпы көлемі 4,8 млн тоннаны құрады, бұл өткен жылғы сәйкес кезеңмен салыстырғанда 1 млн тоннаға немесе 26% жоғары. Сондай-ақ, 2020 жылғы алғашқы тоқсанда контейнерлік тасымалдардың жалпы көлемі 149,30 мың жиырма пайыздық баламасын құрады, бұл 2019 жылғы қаңтар-наурыздағы көрсеткіштен 7% жоғары. Қытай-Еуропа-Қытай бағытында контейнерлер тасымалдау көлемі 76,3 мың жиырма пайыздық баламасын құрады, бұл өткен жылғы көрсеткіштен 11% көп. Ал жолаушылар тасымалы көрсеткіші бұл кезеңде 8% төмендеп, 4,8 млн адамды құрады. Айта кетейік, темір жол көлігімен 2020 жылғы наурызда 34,3 млн тонна тасымалданып, өткен жылдың сәйкес кезеңімен салыстырғанда 4,9%-ға артты (2019 жылғы наурыз – 32,7 млн тонна). 2020 жылдың наурыз айында транзиттік тасымалдардың жалпы көлемі 2 млн тоннаны құрады, бұл 2019 жылдың наурыз айындағы көрсеткіштен 0,8 млн тоннаға немесе 67% жоғары (1,2 млн. тонна). 2020 жылғы наурызда контейнерлік тасымалдардың жалпы көлемі 62,2 мың ЖПБ құрады, бұл 2019 жылғы наурыздағы көрсеткіштен (ЖПБ 45,2 мың) 17 мың ЖПБ-ға немесе 38% жоғары. Бұл ретте, Қытай-Еуропа-Қытай бағытында контейнерлерді тасымалдау көлемі 32,4 мың ЖПБ құрады, бұл 2019 жылғы наурыздағы көрсеткіштен (ЖПБ 23,4 мың) 9 мың ЖПБ-ға немесе 38%-ға жоғары.