Ш. Қалдаяқов көшесіндегі қозғалысқа ішінара шектеу енгізіледі

2020 жылғы 15-22 сәуір аралығында Ш.Қалдаяқов көшесі бойында Тәуелсіздік даңғылынан Ж. Нәжімеденов көшесіне дейін инженерлік желілерді тарту жұмыстары жоспарлануда. Бұл туралы Елорда Инфо CTS компаниясына сілтеме жасап хабарлайды. Бұл тұрғыда Ш. Қалдаяқов көшесі бойымен Тәуелсіздік даңғылынан Ж. Нәжімеденов көшесінің қиылысына дейін көлік қозғалысына шектеу қойылады. Осы аумақта тұратын және жұмыс істейтін адамдар көшеге жақын орналасқан нысандарға ғана кіре алады. Сондай-ақ, жол жұмыстары кезінде Ш. Қалдаяқов көшесінің Ж. Нәжімеденов көшесіне, М-3 көпіріне дейінгі аралығындағы қозғалысқа ішінара шектеу енгізіледі. Осыған байланысты автомобиль жүргізушілерін жүру бағытын алдын ала жоспарлауды сұраймыз.