Сәуір айында ауа райы қандай болады

Қазгидромет синоптиктері ел аумағы бойынша сәуір айына ауа райы болжамын жасады, деп хабарлайды Елорда Инфо тілшісі.

Сәуір айында ауа райы жылы және жауын-шашынды болады. Көбінесе жаңбыр, екпінді жел мен температураның ауытқуы күтіледі.

Бірінші онкүндіктің басында температураның негізгі фоны: еліміздің солтүстігінде түнде -5+5°C, күндіз +7+18°С, оңтүстігінде түнде +5+13°C, күндіз +15+23°С, қиыр оңтүстікте +28°С құрайды.

«Онкүндіктің ортасында солтүстікте ауа температурасының түнде -3-8°С-қа дейін, күндіз +2+10°C-қа дейін, онкүндіктің соңында оңтүстікте ауа температурасының төмендеуі болжануда. Түнде термометрдің сынап бағанасы +3+8°C-қа, күндіз +10+15°С-қа дейін, шеткі оңтүстікте 22°С-қа дейін төмендейді», - делінген ақпаратта.

Екінші онкүндіктің ортасында және үшінші онкүндіктің екінші жартысында екі суыту толқыны күтіледі әрі ауа температурасы келесідей төмендейді: солтүстікте түнде -3 +7°С, күндіз +2+13°С-қа дейін; оңтүстікте түнде 0, +10°С, күндіз +12 +22°С-қа дейін.

Екінші, үшінші онкүндікте температура күндізгі уақытта солтүстік өңірлерде +17+22°С-қа дейін, оңтүстікте +25+30°С-қа дейін жоғарылайды. Қазгидромет мәліметінше, сәуір айына арналған болжам синоптикалық жағдайдың өзгеруіне қарай түзетілуі әрі онкүндік болжамдармен нақтылануы мүмкін.