Биыл елордада 100-ден астам көше салынады – қала әкімі

Биыл да осындай ескі үйлерден 300-ден астам отбасын көшіруді жоспарлап отырмыз. Мәселен, Ы.Дүкенұлы 21 мекенжайында (Сарыарқа ауданы) орналасқан бес қабатты жатақхананың тұрғындарымен кездестік. Біз оны сүріп тастаймыз. Мәслихат та қолдап, сүрілетін үйлердің тізіміне қосты. Мұндай үйлер аз емес. Ескі үйлерді сүруге бағытталған жүйелі жұмыс жүргізіп жатырмыз. сонымен қатар тұрғын үй-коммуналдық шаруашылығын жаңғырту бағдарламасы арқылы да үйлерді жөндейміз, - деді қала әкімі.

Сондай-ақ Алтай Көлгінов биыл елордада 100-ден астам көше салуды және жөндеуді жоспарлап отырғанын жеткізді.

Өткен жылғыдай қаланың оң жақ бөлігіндегі тұрғын үй алаптарына, құрылыс жүріп жатқан аудандарына баса назар аударамыз. Әлеуметтік нысандарға кіреберіс учаскелер де назарымыздан тыс қалмайды. Соңғы жылдары қалада 300-ден астам көше жөнделді, - деді Алтай Көлгінов.