Ұлттық ғылыми онкология орталығы елордалықтарды Ашық есік күніне шақырады

Акция бүйректің, қуықтың, қуықасты безінің ісікалды және ісік ауруларының алдын алу, ерте диагностикалау және емдеу, сондай-ақ қатерлі ісіктерді уақтылы тексеру және алдын алу қажеттілігі туралы халықтың хабардар болуын арттыру мақсатында өткізіледі. "Сапалы және уақтылы кеңес алу мақсатында, сондай-ақ эпидемиологиялық ахуалдың тұрақсыздығына байланысты келесі ережелерді ұстануды сұраймыз: - алдын ала сall-орталықтың 8-7172-702-911 телефоны бойынша дәрігерге жазылу және қабылдау уақытына келу қажет; - еріп жүрушілердің, әсіресе балалардың санын азайтуды сұраймыз; - егер сізде ЖРВИ белгілері болса, өзіңізді нашар сезінсеңіз, Ашық есік күні дәрігерге барудан аулақ болуыңыз керек, өйткені безгегі бар адамдар Ұлттық ғылыми онкологиялық орталықтың клиникалық-диагностикалық орталығына жіберілмейді; - өзімен бірге жеке куәлігі және алдыңғы тексерулердің нәтижелері (олар болған жағдайда) болуы қажет", - делінген хабарламада.