Елордалық оқушылар «Feedback box» кері байланыс қорабын ойлап тапты

І. Есенберлин атындағы №67 гимназияның оқушылары кері байланыс қорабын ойлап тапты, деп хабарлады Elorda.info. 

Кері байланыс қорабының маңызы – білім беру жүйесін жаңа технологиялар арқылы жаңғыртуды және кері байланыс беруге қабілеті роботтар арқылы баланың оқуға құштарлығын оятуды көздейді.

Мәселен, робот кез келген ғұлама ақындардың нақыл сөздерін айтып баланы оқуға шабыттандырып, қызықтыра түседі. Сонымен қатар,  нақыл сөздер арқылы, оқушының жұмысына кері байланыс береді. 

Оның жасалуы аса үлкен шығынды қажет етпейді. «Arduino hardare» платасы, RGB жарық диодтары, «RealTime» модулі (DS1307), «DF-player» ойнатқышы, мыс сымдар, пластик жане макет матасы, LED экран, 3 батарейка, акустикалық 2 динамика, қоректену блогінен жасалды. 

Алдағы уақытта құрылғыны одан әрі жетілдіріп, камерамен түр-әлпетті тану функциясын қосамын, - дейді құрылғыны құрастырушы 10-сынып оқушысы Алиакбар Бекмағанбетов. 

Сондай-ақ, бұл функция оқушының эмоциясын, аты-жөнін, ол туралы ақпараттарды автоматты түрде танып, онымен белсенді тілдесуге қолайлы жағдай жасайды.

 № 67 гимназияның информатика пәні мұғалімі Орынбай Сабыржанның жетекшілік етуімен жүзеге асырылған бұл жоба жуырда өткен «Бағдарламалық дамыту арқылы жабдықталған шығармашылық жұмыстар» турнирінде 3-дәрежелі диплом иегері атанды.