«Отбасы банкі» ипотекалық қарыздарды мерзімінен бұрын өтеуге шектеулер енгізеді

«Отбасы банкінде» ипотеканы мерзімінен бұрын өтеу бойынша шектеулер енгізіледі. Алдын ала немесе аралық қарыз жабылған кезде депозитті сақтау мүмкін болмайды, деп хабарлады Elordainfo.kz.

Банк жақын арада қарыздарды мерзімінен бұрын өтеу бойынша жаңа шектеулер енгізеді.

Түсінікті болу үшін айта кетейік, «Отбасы банкінде» алдын ала, аралық, сондай-ақ тұрғын үй заемдарын ресімдеуге болады. Соңғысы азаматтар үшін ең тиімді тәсіл болып табылады, бірақ оларды алу үшін банкте ұзақ уақыт ашық депозит болу керек.

Ал егер қажетті сома қолда болса, алғашқы екі түрі қол жетімді болады. Мұндай қарыздарды мерзімінен бұрын өтеу кезінде 2 маусымнан бастап «Отбасы банкі» жаңа шектеу енгізеді: депозит қарызды өтеу есебіне пайдаланылатын болады және оны бұрынғыдай келесі ипотека үшін сақтау мүмкін болмайды.

Бұрын қазақстандықтар аралық қарыз алып, біраз уақыттан кейін оны мерзімінен бұрын өтеп, болашақта тағы бір несие алу үшін депозитке ақша жинауды жалғастыра алатын. Енді бұл жұмыс істемейді.

Жаңа ережелер бойынша:

-барлық депозит қарызды жабуға кетеді;

-шарт бұзылып, салым жабылады;

-ТҚЖ жүйесіне қайта қатысу үшін жаңа депозит ашып, қайта жинақтау қажет.

Неліктен шектеулер енгізіледі

Ережелерді өзгерту туралы шешім қабылдаудың себебі тұрғын үй несиелерінің механизмінде жатыр. Бұл өзара жинақтау моделі, мұнда кейбіреулердің үлесі басқаларға несие көзі болып табылатынын ескеру керек. Схема қатысушылардың ұзақ мерзімді қатысуымен ғана жұмыс істейді.

Әрбір салымшының жеке бағалау көрсеткіші (БК) бар, ол депозиттің қолданылу мерзіміне байланысты – ол неғұрлым ұзақ ашылса, БК соғұрлым жоғары болады және ипотека шарттары тиімдірек болады.

Алайда, кейбір салымшылар жүйені «конвейер» ретінде пайдаланды: олар несие алады, оны тез жабады, жаңа несие алу үшін сол салымды пайдаланады. Яғни, салымшы тұрғын үй сатып алды, бірақ депозит ол үшін бағалау көрсеткішін жинақтауды жалғастырды.

Нәтижесінде: қаражат банкте қалмайды, басқа салымшыларға ақша жетіспейді, ал ең қолайсыз жағдайға үш жылдан астам қаражат жинағандар қалады.

Осылайша, сарапшылардың пікірінше, жаңа шектеулер адал және тұрақты жүйені құруға көмектеседі. Салымды бірнеше рет қолдануға дағдыланғандар ғана соққыға ұшырайды, өйткені әр мерзімінен бұрын өтегеннен кейін олар депозитті нөлден ашуға мәжбүр болады.

Айта кетейік, ТҚЖ жүйесі тұрғын үйді қайталама нарықта сатып алуды жоспарлағандар үшін тиімсіз болуы мүмкін. Бұл жағдайда екінші деңгейдегі банктердің ұсыныстарына назар аударған жөн болар.