Бизнеске берілген несиелер саны артты

Кәсіпкерлерге мақұлданған өтініштердің үлесі екі жылдағы ең жоғары көрсеткіш – 73,5%-ды құрады. Сонымен қатар, 2022 жылдың бірінші тоқсанынан бастап көрсеткіштің үздіксіз өсуі байқалды. Аталған кезеңнен бері ол бірден 28,9 пайыздық тармаққа өсті, деп хабарлады Elorda.info.

Inbusiness.kz жазуынша, орта бизнесте 2022 жылдың үшінші тоқсанымен салыстырғанда өтініштерді қанағаттандыру көрсеткіші 2,7 пайыздық тармаққа өсіп, 50,9% жетті.

Шағын кәсіпкерлік субъектілері үшін несие ресурстарының қолжетімділігі үш айда 3,8 пайыздық тармаққа төмендеп, 38,7%-ды құрады. Дегенмен, бұл екі жылдық орташа тоқсандық көрсеткіштен әлі де жоғары (38,4%).

#бизнес