Автобус апатынан кейін баланың аяғы неге ампутацияланды: министрлік түсіндірді

Денсаулық сақтау вице-министрі Ержан Нұрлыбаев елордадағы автобус апатынан кейін дәрігерлер жолаушының аяғын не себепті кесуге мәжбүр болғанын түсіндірді.

"Қоғамда кейбір адамдардың баланың аяғын сақтап қалуға қатысты медицина қызметкерлеріне сын айтып жатқаны ақылға қонымсыз. Жол-көлік апаты кезінде баланың аяғындағы тіннің барлығы ыдырап кеткен. Сондықтан аяғын сақтап қалу мүмкін емес еді", - деді Е. Нұрлыбаев Парламент Мәжілісінде тілшілер сұрағына жауап бере отырып.

Осы орайда ол дәрігерлер бірінші кезекте баланың өмірін сақтап қалу үшін барынша әрекет еткенін айтты.

"Дәрігерлер өз жұмысын өте жақсы орындады. Қазір баланың тірі қалуы да медицина қызметкерлерінің еңбегі деп айтуға болады", - деді вице-министр.