Аллергиялық ринит неден пайда болады

Денсаулық сақтау министрлігі аллергиялық риниттің пайда болу себептері мен оны емдеу жолдары туралы айтты, деп хабарлады Elordainfo.kz.

Аллергиялық ринит — бұл аллергиядан туындаған мұрын шырышты қабығының инфекциялық емес қабынуы. Иммундық жүйе тозаңмен, үй шаңымен, жануардың шашымен белсенді күресе бастайды, нәтижесінде ісіну, мұрыннан су ағу, түшкіру және қышу пайда болады. Қарапайым тілмен айтқанда бұл мұрында «өмір сүретін» аллергия.

Риниттің ең көп таралған «арандатушылары»: өсімдік тозаңы, үй шаңы, жануарлардың жүні, зең мен саңырауқұлақтар, парфюмерия, тұрмыстық химия. Тұқым қуалаушылық та үлкен рөл атқарады.

«Егер мұрыннан су аға берсе, бірақ температура болмаса, тамақ ауырмай, жағдайы қалыпты болса — бұл аллергия болуы мүмкін. Суық тиген кезде сіз аз түшкіресіз. Егер мұрын, көз, тіпті құлақ қышыса, бұл аллергияның әдеттегі белгісі. Егер көктем сайын немесе күзде мұрыннан су аға басталса, бұл аллергия. Суық тигенде әдетте 5-7 күнде кетеді, аллергия бірнеше айға созылуы мүмкін», — дейді Кардиология және ішкі аурулар ҒЗИ Республикалық аллергология орталығының басшысы, аллерголог-иммунолог дәрігер Арай Батырбаева.

Емделмеген аллергиялық ринит созылмалы синуситке әкелуі мүмкін, ұйқының бұзылуы және шаршау, концентрация мен өмір сапасының төмендеуі, бронх демікпесі пайда болады. Бұл әсіресе балалар үшін қауіпті: нашар ұйқы, түнде тыныс алу проблемалары, ашуланшақтық, мектептегі үлгерімнің төмендеуі.

Не нәрсеге аллергияңыз бар екенін қалай түсінуге болады?

Бірінші қадам — аллерголог немесе оториноларингологқа бару керек. Әрі қарай дәрігер арнайы IgE антиденелеріне тері сынамалары мен қан талдауын тағайындай алады.

Одан біржола құтылуға болады ма?

Иә, бақылауда ұстауға болады, ал кейбір жағдайларда аллергенге сезімталдықты нөлге дейін төмендетуге болады:
— Мүмкіндігінше аллергендерден аулақ болыңыз,
— Тозаң маусымы кезінде терезелерді жабық ұстаңыз,
— Кірді балконға емес, үйде жайыңыз,
— Ауа тазартқыштар мен шаңсорғыштарды қолданыңыз,
— Егер жануарларға реакция болса, олармен байланысты шектеңіз,
— Аптасына кемінде 2 рет үйді тазалап тұрыңыз.

Жаңа буын антигистаминдері қышуды, мұрыннан су ағуын, түшкіруді жеңілдетеді, мұрынға стероидты спрейлер ісіну мен қабынуды жеңілдетеді, тамырды тарылтатын тамшыларды тек 3-5 күн қолдануға болады, әйтпесе тәуелділік пайда болады.

Аллергенге тән иммунотерапия «аллергияға қарсы вакцина» сияқты. Организм микродозалардың көмегімен аллергенге біртіндеп үйренеді. Курс 3-5 жылға созылады, бірақ нәтиже оған тұрарлық: көптеген науқаста симптомдар жоғалады немесе айтарлықтай төмендейді.

«Егер сізде жыл сайын бір уақытта «суық тию» басталса, дәрігерге баруды кейінге қалдырмаңыз. Өз-өзіңізді емдемеңіз. Тіпті мұрын тамшылары дұрыс пайдаланбаған жағдайда зиян келтіруі мүмкін. Үйде кілем, жұмсақ ойыншықтар, ескі жиһаз сияқты «шаң тозаңдары» жоқ екеніне көз жеткізіңіз»,- делінген хабарламада.

Аллергиялық ринитті емдеуге болады және қажет. Заманауи әдістер пациенттердің көпшілігіне толыққанды белсенді өмір сүруге мүмкіндік береді.