Оқу-ағарту министрі астаналық педагогтермен кездесті

Оқу-ағарту министрі Астанадағы зерттеуші және шебер педагогтермен кездесті. Іс-шараға қатысқан екі жүзден астам маман білім беру жүйесін дамыту жөнінде пікір алмасты, деп хабарлады Elorda.info. 

Министр білім беру сапасын арттыруға, педагогтерді оқыту мен аттестаттауға, біліктілікті арттыру курстарының мазмұнын жаңартуға баса назар аударды. 

Білім беру сапасын арттыру қашан да өзекті мәселе болып қала береді. Республикалық кадр резервін қалыптастыру да жоспарлануда. Білім беру сапасы педагогикалық құрамның сапасымен тікелей байланысты. Сондықтан министрлік мұғалімдерді аттестаттау жүйесін жетілдіру бойынша кешенді жұмыс жүргізуде. Бұл шара «Оқыту әдістемесі» бөліміне әсер етеді. Болашақта мұғалімдердің жетістіктері әр оқушының жетістіктерімен бағалануы керек. Сондай-ақ портфолио қалыптастыру процесі қайта қаралады, – деді Ғани Бейсембаев.

Кездесу барысында арнайы білім беру, тәрбие жұмысы, балалардың қауіпсіздігін қамтамасыз ету және инфрақұрылымды дамыту мәселелері талқыланды. Министр барлық ұсыныстарды тыңдап, білім беру жүйесін дамытудың басым міндеттерін бекітті. Ол қазіргі заманғы талаптарды ескере отырып, педагогтердің кәсіби құзыреттілігін арттыруға, оқыту үшін қолайлы және қауіпсіз жағдайлар жасауға қатысты.