Биыл негізгі ҰБТ-ға қатысушылардың 75 пайызы сынақты қазақ тілінде тапсырады

Биыл негізгі Ұлттық бірыңғай тестілеуге 166 мың талапкер 305 мың өтініш білдірген, деп хабарлады Elorda.info Ғылым және жоғары білім министрлігінің баспасөз қызметіне сілтеме жасап. 

Негізгі ҰБТ 5 шілдеге дейін жалғасады. Тапсырушылардың 75 пайызы қазақ тілінде, 25 пайызы орыс тілінде, 243 адам ағылшын тілінде тестілеуден өтуге өтініш берген.

Академиялық адалдықты қамтамасыз ету мақсатында «1 компьютер – 2 камера – 1 тестіленуші» қағидаты сақталады. Сондай-ақ өткен жылдан бастап ҰБТ-ға қатысушылардың әрқайсысының жеке тест нұсқасы болады. Сонымен қатар калькулятор мен Менделеев кестесі компьютер экранында көрсетіледі. Тест тапсырушылар тестілеу аяқталғаннан кейін 30 минут ішінде апелляцияға өтініш бере алады, - деді министр.

Тыйым салынған заттарды пайдалану немесе ережелерді бұзу фактілері анықталған жағдайда түсушінің ҰБТ нәтижелері жойылады.