Аймағамбетов «Білім-инновация» лицейлерінің оқушыларымен кездесті

Оқу-ағарту министрі  Асхат Аймағамбетов «Білім-инновация» лицейлерінде оқитын мектептің өзін-өзі басқару ұйымдарының 40 көшбасшысымен кездесті, деп хабарлады Elorda.info Telegram каналына сілтеме жасап.

Бейресми форматтағы кездесуде балалар түрлі сұрақтарын қоя алды. Сондай-ақ бірге шай ішіп, еркін әңгімелестік.Балалардың белсенділігі мен қызығушылығы ерекше қуантты. Сондықтан олардың сұрақтарына қуана-қуана жауап бердім, - деді министр.

Асхат Аймағамбетовтың айтуынша, балаларды мектептегі үштілді оқыту және тілдерді кезең-кезеңімен үйрену, академиялық дербестік, дебаттар өткізу, мектептің өзін-өзі басқаруын дамыту, мектептерде құндылықтарды сіңіру және т.б тақырыптар қызықтырған.

Жергілікті өзін-өзі басқару көшбасшылары музыкаға, кітаптарға деген қызығушылықтары туралы, балалар арасында осы бағыттардағы негізгі трендтер туралы айтты, - деді А.Аймағамбетов.

Мектептегі өзін-өзі басқару институты балалардың мектептен бастап құқықтық және саяси мәдениетін арттыру, қосымша машықтарды үйрету және азаматтық белсенділігін дамыту мақсатында құрылған.

Бұған дейін білім беру ұйымдары мектептің өзін-өзі басқаруын жүзеге асыратын арнайы әдістемелік нұсқау әзірленген болатын.

Осылайша балаларға мектептің қоғамдық өміріне қатысуға, бастама көтеруге, ұсыныстар жасауға, сыныптастарының мүдделерін білдіруге және мектеп әкімшілігімен бірлесе отырып, бар мәселелерді шешуге мүмкіндік беріледі.Әріптестерім де балалардың мектептегі өзін-өзі басқаруға қатысуға қызығушылығын қолдайтынына сенімдімін. Ал біз бұл жобаны сандық және географиялық тұрғыдан кеңейтуді жалғастыра береміз, - деді министр.

Сондай-ақ Асхат Аймағамбетов өзін-өзі басқару көшбасшыларымен дәстүрлі кездесуді жалғастыра беретінін айтты.