Елімізде педагогтердің 70 пайызы қайта вакцина алды

Қазіргі кезде мектептердегі педагогтердің 73%-ы және колледж педагогтерінің 70%-ы қайта вакцина алды.

Сондай-ақ биыл елімізде 225 мектеп салынады деп жоспарланып отыр. Министр 41 мемлекеттік мектеп пен 40 жекеменшік мектепті ашу бойынша жұмыстар оқу жылының басына дейін аяқталатынын жеткізді.

Бүгінгі күні басым көпшілік өңірлерде үш ауысымды және апатты мектептер бар. Әсіресе Алматы облысында 56 мектеп үш ауысымды болып, үш ауысымды мектептердің саны жылдан жылға көбейіп келеді. Аталған проблеманы шешу үшін әкімдіктер жаңа оқу жылына дейін мектептерді мерзімінде қолданысқа енгізу, жылдың соңына дейін қалған мектептерді  де салып бітіру бойынша шара қабылдаулары қажет, - деді министр.