Жамбыл облысында аудан әкімдігі жер учаскелерін беру жөніндегі конкурсты негізсіз тоқтатқан

Фото: freepik.com

Жамбыл облысы Сарысу ауданының прокуратурасы жергілікті атқарушы орган тарапынан жер заңнамасының бұзылу фактілерін анықтад, деп хабарлайды Elordainfo.kz Бас прокуратураға сілтеме жасап.

Заңнама талаптарына сәйкес шаруа немесе фермер қожалығын жүргізу және ауыл шаруашылығы өндірісі үшін жер учаскелерін беру жөніндегі конкурс жылына кемінде екі рет өткізілуі тиіс.

Алайда 2024 жылдан бастап аудан әкімдігі аталған конкурстарды өткізуді негізсіз тоқтатып, фермер-кәсіпкерлердің құқықтарын шектеген.

Прокурорлық қадағалау актісі негізінде заңсыз тәжірибе тоқтатылып, конкурстарды өткізу қайта жандандырылды.