Жетісай ауданында орын алған өрт фактісі бойынша «Өрт қауіпсіздігі талаптарын бұзу» бабымен қылмыстық іс қозғалды, деп хабарлады Elordainfo.kz.
«Қазіргі уақытта болған оқиғаның барлық мән-жайларын анықтауға бағытталған қажетті іс-шаралар жүргізілуде.
Тергеу нәтижесімен процестік шешім қабылданатын болады», - делінген Түркістан облысы ПД баспасөз қызметі таратқан хабарламада.
Айта кетейік, Түркістан облысында үй өртеніп, 12 адам қаза тапты. Президент өрттен қаза тапқандардың отбасына көңіл айтты.
