Қылмыстық схема: 5 мыңнан астам шетелдіктің Қазақстанда болуын заңдастыруға көмектескен топ құрықталды

Фото: freepik.com

Көлік прокуратурасының бастамасымен шетелдіктердің Қазақстанда болуын заңсыз заңдастыруға көмектескен топтың әрекеті тоқтатылды, деп хабарлайды Elordainfo.kz Бас көлік прокуратурасына сілтеме жасап.

Орталық Азия елдерінің 5 мыңнан астам азаматы ақшалай сыйақы үшін жұмысқа рұқсат, уақытша тұруды тіркеу және елде болу мерзімін ұзарту қызметтерін алған.

Қылмыстық схемаға Көші-қон қызметінің, «Азаматтарға арналған үкімет» КЕАҚ Астана қаласындағы филиалының қызметкерлері және заңсыз әрекетті ұйымдастыруға қатысы бар басқа да тұлғалар кірген.

Күдіктілердің іс-әрекеттері Қазақстан Республикасы Қылмыстық кодексінің келесі баптары бойынша сараланады:

366-бап (пара алу), 367-бап (пара беру), 368-бап (парақорлыққа делдал болу), 394-бап (заңсыз көші-қонды ұйымдастыру), 190-бап (алаяқтық).

Қылмыстық іс сотқа жолданды.

Еске салайық, бұдан бұрын елімізде 2,7 мың заңсыз мигрант әкімшілік жауапкершілікке тартылғаны туралы жаздық.