Павлодарда құрылыс компаниялары нысандар сатқанын жасырып, 120 млн теңге салық төлемеген

Фото: Оңалхан Өнерхан

Компаниялардың жүздеген миллион теңгенің жылжымайтын мүлік мәмілесін көрсетпей құрылыс саласында табысты жасырғанын Павлодар облысы прокуратурасы анықтаған, деп хабарлайды Elordainfo.kz.

Ведомствоның мәлімдеуінше, құрылыс компаниясының бірі тұрмыстық қызмет көрсетуге арналған 43 нысанды сатқан. Алайда бұл мәліметтер декларацияда көрсетілмеген. Компания 77,8 млн теңге көлемінде корпоративтік табыс салығын төлемеген.

Осындай жағдай тағы 12 құрылыс компаниясында анықталған. Нәтижесінде прокуратура 120 млн теңгені бюджетке қайтарды.

Еске салсақ, Қырғызстаннан жалған шот-фактураларды жасаған күдіктінің экстрадицияланғанын хабарладық.