Іздеу Мәди Такиев Қаржы министрі лауазымына тағайындалды
Жәнібек Амангелді
Мемлекет басшысының Жарлығымен Мәди Төкешұлы Такиев Қазақстан Республикасының Қаржы министрі лауазымына тағайындалды, деп хабарлайды Elordainfo.kz Ақорданың баспасөз қызметіне сілтеме жасап.
Мәди Төкешұлы 1978 жылы 1 сәуірде Алматы облысы Балқаш ауданы Бақанас ауылында дүниеге келген. Білімі жоғары, 1998 жылы Қазақ мемлекеттік басқару академиясын «Бухгалтерлік есеп және аудит» мамандығы бойынша бітірген. 2005 жылы Д. Қонаев атындағы гуманитарлық университетін «Құқықтану» мамандығы бойынша бітірген. 2011 жылы Халықаралық бизнес университетінің Іскерлік әкімшілендіру магистрі дипломын алған.
М.Такиев Еуропа Қайта Құру және Даму Банкі Басқарушылар Кеңесінде Қазақстан Республикасынан Басқарушы және Еуразия даму банкінің Кеңесінде Қазақстан Республикасының өкілетті өкілінің орынбасары.
Еңбек жолын 1998 жылы ҚР Ғылым министрлігі – Ғылым Академиясының мемлекет және құқық институтында бас есепшісі болып бастаған.
2000-2008 жылдары – Алматы қаласы бойынша Салық комитетінің инспекторы, жетекші, бас салық инспекторы, ШКС жұмыс, аудит жөніндегі бөлімдердің басшысы.
2008-2009 жылдары – Алматы облысы бойынша Салық департаментінің Акциздерді әкімшілендіру басқармасының басшысы.
2009-2012 жылдары – Алматы қаласы бойынша Салық департаменті басшысының орынбасары.
2012-2013 жылдары – ҚР ҚМ Салық комитетінің Басқарма басшысы.
2013-2014 жылдары – ҚР Ұлттық экономика министрлігінің Салық және кеден саясаты департаментінің директоры.
2014 жылы – ҚР Премьер-Министрі Кеңсесінің Әлеуметтік-экономикалық бөлімінің бас консультанты.
2014-2017 жылдары – Атырау облысы бойынша Мемлекеттік кірістер департаментінің басшысы.
2017-2019 жылдары – ҚР Қаржы министрлігі Мемлекеттік кірістер комитетінің Салықтық бақылау департаментінің директоры.
2019-2020 жылдары – ҚР Ұлттық экономика вице-министрі.
2020-2023 жылдары – ҚР Президенті Әкімшілігінің Әлеуметтік-экономикалық мониторинг бөлімінің меңгерушісі.
2023 жылғы наурыз - 2024 жылғы 6 ақпан аралығында – VII сайланған ҚР Парламенті Мәжілісінің депутаты, ҚР Парламенті Мәжілісінің Қаржы және бюджет комитетінің төрағасы, ҚР Парламенті Мәжілісіндегі «AMANAT» партиясы фракциясының мүшесі.
Соңғы тағайындауына шейін 2024 жылғы 6 ақпаннан бастап ҚРҚаржы министрі және министрдің міндетін атқарушы болды.
Мемлекеттік наградалары: «Ерен еңбегі үшін», «Құрмет» ордені, сондай-ақ мерейтойлық медальдармен және ведомстволық наградалармен марапатталған.
