Командир міндетіне салғырт қараған: Ақтау гарнизонындағы сарбаз өліміне қатысты іс

Фото: magnific.com

Қайғылы оқиғаны тергеу аяқталды, қазір қылмыстық іс сотқа жолданды, деп хабарлайды Elordainfo.kz Бас әскери прокуратураға сілтеме жасап.

Оқыс оқиға болған әскери бөлімде барлау-шабуыл батальонінің командирі, оның орынбасары және рота командирі қызметінен босатылды, 10 лауазымды тұлға тәртіптік жауапкершілікке тартылды.

Прокуратураның мәлімдеуінше, тергеу барысында бөлім командирі жеке құрамды бақылауды және қарумен жұмыс істеу тәртібін қамтамасыз етуге қатысты шараларды қабылдамағаны анықталды.

Жедел-тергеу тобы қысқа мерзімде жеткілікті дәлелдер жинақтап, қажетті сот сараптамасын жүргізді. Нәтижесінде қылмыстық іс сотқа жолданды.

Еске сала кетсек, 17 ақпанда Бейнеудегі полигонда атыс жаттығуы кезінде сарбаз Р. Жайғалиевтің қаза тапты.