Қазақстаннан 13 Қытай азаматы шығарылды

Ұлттық қауіпсіздік комитеті Қазақстанда заңсыз жүрген Қытайдың 13 азаматын анықтап, ұстады, деп хабарлайды Elordainfo.kz ҰҚК баспасөз қызметіне сілтеме жасап. 

Тексеру барысында шетелдіктердің Қазақстан аумағында халықаралық интернет-алаяқтықтың жасырын схемасын ұйымдастырғаны анықталды.

Олардан компьютерлік техника, ұялы телефондар, «Starlink» спутниктік интернет байланысы жабдықтарының жиынтықтары, сондай-ақ криптоәмияндардағы ірі көлемдегі қаражат табылды.

2026 жылдың 16 қазанда шетел азаматтары әкімшілік тәртіппен Қазақстан Республикасының аумағынан шығарылып, одан әрі тергеп-тексеру жүргізу үшін ҚХР-ның уәкілетті органдарына тапсырылды.

Еске салайық, бұған дейін Астана мен Алматы әуежайларында 19 шетелдіктің жалған құжатпен шекарадан өтпек болғаны туралы жаздық.