Көкшетауда тұрғын үй құрылысы бойынша бюджет қаражатын жымқыру дерегі анықталды - ҚМА

Фото: ҚМА

Көкшетау қаласындағы құрылыс жобаларын іске асыру кезіндегі бюджет қаражатын жымқыру фактісі бойынша тергеп-тексеру жүргізілуде, деп хабарлайды Elordainfo.kz ҚМА баспасөз қызметіне сілтеме жасап.

2021 жылғы желтоқсанда Көкшетау қаласының құрылыс бөлімі ММ мен «Айдана-ИК» ЖШС арасында әлеуметтік осал топтарға арналған көппәтерлі тұрғын үйлер салу жөнінде 1 млрд теңгеден асатын сомаға келісімшарт жасалған.

Мердігер аванстық төлемдерді алу үшін азаматтық-құқықтық жауапкершілікті сақтандыру бойынша жалған шарттарды ұсынған.

Кейін тапсырыс беруші тарапынан ЖШС-не 211 млн теңге көлемде қаражат аударған. Алайда құрылыс жұмыстары толық көлемде орындалмаған.

Нәтижесінде нысандар пайдалануға берілмеген.

Алынған бюджет қаражаты жеке қажеттіліктерге, контрагенттермен есеп айырысуға, сондай-ақ қолма-қол ақшаға айналдырылуға жұмсалған.

Күдікті қамауға алынды.

Тергеп-тексеру жалғасуда.

Қазақстан Республикасы ҚПК-нің 201-бабына сәйкес өзге ақпарат жариялауға жатпайды.