ҚР Қаржы министрлігі ведомствоның қолдауымен «жаңа қаржы бағдарламасы» жүзеге асырылып жатқаны туралы ақпараттың шындыққа жанаспайтынын әрі жалған екенін мәлімдеді, деп хабарлады Elordainfo.kz.
«ҚР Қаржы министрлігінің жарияланған ақпараттарға қатысы жоқ екенін, сондай-ақ жекелеген сайттар, мессенджерлер немесе әлеуметтік желілер арқылы азаматтарға төлемдерді жасамайтынын, инвестициялар немесе гранттар бойынша бағдарламаларды жүргізбейтінін айта кетейік», - делінген министрліктің хабарламасында.
Мемлекеттік органдардың барлық бастамасы тек ресми ресурстарда жарияланады.
«Бұл орайда азаматтарды күмәнді сілтемелерге өтпеуге әрі жеке мәліметтерді енгізбеуге, сондай-ақ белгісіз тұлғалардың шоттарына ақша аударудан сақ болуға шақырамыз!
Күмәнді схемалар анықталған жағдайда құқық қорғау органдарына немесе «1414» Бірыңғай байланыс орталығына хабарласып, аталған фактілер жөнінде жеткізуге кеңес береміз», - деді ведомстводан.
