Маңғыстау облысында миллиардтаған айналымы бар есірткі желісіне қатысты іс бойынша сот үкім шығарды, деп хабарлайды Elordainfo.kz облыс прокуратурасына сілтеме жасап.
Еске салсақ, 2025 жылы қыркүйек айында Маңғыстау облысы прокуратурасының арнайы прокурорлары «Дюнь оператор» интернет есірткі дүкенінің қызметін жүзеге асырған трансұлттық ұйымдасқан қылмыстық топқа қатысты бірқатар резонансты қылмыстық істі аяқтап, сотқа жолдады.
Осы іс бойынша Жамбыл, Ақтөбе облыстарының аумағында және Шымкент қаласында 4 адам ұсталды. Тергеу барысында олардан 2 млрд теңгеден астам ақша тәркіленіп, жалпы құны 100 млн теңгеден асатын мүлікке тыйым салынды. Бұдан бөлек, заңсыз айналымнан аса ірі мөлшерде есірткі тәркіленді.
19 ақпан және 20 наурыз аралығында қылмыстық істі қарау нәтижесінде трансұлттық және ұйымдасқан топ мүшелері есірткі өткізу, аса ірі мөлшерде сақтау, заңсыз кәсіпкерлік қызметпен айналысу және қылмыстық жолмен алынған ақшаны заңдастыруға кінәлі деп танылды.
Маңғыстау облысының қылмыстық істер жөніндегі мамандандырылған ауданаралық сотының үкімдерімен күдіктілерге 16 жылдан 18 жылға дейін бас бостандығынан айыру жазасы тағайындалды.
2 млрд теңгеден астам ақша қаражаты мемлекет кірісіне тәркіленді. Сондай-ақ сотталғандарға тиесілі люкс санатындағы көліктері тәркіленді.
Сот үкімдері заңды күшіне енген жоқ.
Интернетте есірткі сатудан 2 млрд теңге тапқан қылмыстық топ мүшелері сотталды
27 наурыз, 2026
Фото: freepik.com
Ұқсас жаңалықтар
16 қараша, 2026
Алматы тұрғыны Қытайға алты келіге жуық алтынды заңсыз әкетпек болған
16 қараша, 2026
Қарағанды облысында браконьерлерден 2,5 тонна шаян тәркіленді
16 қараша, 2026
Астанада ломбардтар желісі заңсыз қызметтен 102 млн теңге табыс тапқан
12 қараша, 2026
Атырауда мекемеден 35 млн теңге жымқырған бас бухгалтер сотталды