Елордалық «Нұра» ауданында балалардың түнгі серуеніне қарсы рейд өткізілді

Астананың «Нұра» ауданында «Заң және тәртіп» қағидаты аясында полиция және аудан әкімі аппаратының қызметкерлері профилактикалық жұмыс жүргізді, деп хабарлады Elordainfo.kz.

Рейд барысында кәмелетке толмағандар арасында ҚР заңнамасын бұзу бойынша 8 факті анықталды.

Барлық заңды өкілдер ҚР ӘҚБтК-нің 442-бабы 2-бөлігі бойынша әкімшілік жауапкершілікке тартылды, яғни кәмелетке толмағандар түнгі уақытта ересектерсіз жүрген. 

Сонымен қатар аудан аумағында орналасқан ИВИ, БХБ және «Хан Шатыр» түнгі мекемелерінде тексеру жүргізілді.

«Құрметті ата-аналар, сақ болыңыз! Балалардың қауіпсіздігі мен бақылауы біздің ортақ жауапкершілігіміз екенін еске саламыз», - дейді полиция қызметкерлері.