Елордадағы саябақта заңсыз стробоскоп жарығы орнатылған көлік анықталды

Фото: Астана қаласы Полиция департаменті

Елордада рейд кезінде қаладағы саябақтың бірінің аумағында полиция стробоскобын заңсыз орнатқан Hyundai маркалы автокөлік ұсталды, деп хабарлайды Elordainfo.kz қалалық полиция департаментіне сілтеме жасап.

Көлікті 22 жастағы бойжеткен басқарған. Тексеру кезінде жүргізушінің арнайы және жедел қызмет көліктеріне ғана рұқсат етілген жарық сигналдық құрылғысын өз бетінше орнатқаны белгілі болды. Заңсыз орнатылған жабдық сол жерде алынды.

Автокөлік коммуналдық тұраққа қойылып, жүргізушіге қатысты әкімшілік хаттама толтырылды. Аталған құқық бұзушылық үшін айыппұл қарастырылған.