Еліміздің сауықтыру лагерлерінде 10 мыңнан астам теміржолшылар отбасының балалары демалады

Фото: ҚТЖ

«Қазақстан темір жолы» ҰК» АҚ әлеуметтік жоба аясында өз теміржолшылар балаларына арналған жазғы сауықтыру науқанын іске қосты. Жаз бойы компания Қазақстанның барлық өңірлерінен 7 жастан 13 жасқа дейінгі 1 мыңнан астам бала үшін пайдалы демалыс ұйымдастырмақ, деп хабарлайды Elordainfo.kz ҚТЖ баспасөз қызметіне сілтеме жасап.

ҚТЖ-ның жас қонақтары үшін Бурабай, Қапшағай, Алакөл және Каспий жағалауларының бірегей курорттық аймақтарын қоса алғанда, елдің балалар сауықтыру орталықтары ұсынылатын болады. Мына факторларға ерекше назар аударды: жайлылық (барлық қажетті инфрақұрылымы бар заманауи ғимараттарда тұру); денсаулық (теңдестірілген тамақтану, спорт секциялары және сауықтыру рәсімдері); қауіпсіздік (тәулік бойы күзет, медициналық сүйемелдеу және білікті педагогикалық құрам).

Сондай-ақ, әр маусымның бағдарламасына интеллектуалды ойындар, квесттер, шығармашылық шеберханалар, спорттық турнирлер, эстафеталар және жүзу кіреді.

Еске салайық, бұған дейін елордалық мектепте үш жазғы лагерь ашылғаны туралы жаздық.