Елена Рыбакина Miami Open супертурнирінің жартылай финалына шықты

Фото: ҰОК

Теннистен Қазақстан әйелдер құрамасының көшбасшысы Елена Рыбакина АҚШ-тың Майами қаласында өтіп жатқан WTA 1000 санатындағы турнирдің жартылай финалына шықты, деп хабарлайды Elordainfo.kz Olympic.kz-ке сілтеме жасап.

Қазақстандық теннисші ширек финалда америкалық Джессика Пегуламен кездесті.

Кездесу үш сетке созылды. Алғашқы сет Пегуланың пайдасына аяқталды. Ал кейінгі екі сетте Рыбакина басым түсіп, жеңісті жұлып алды. Қорытынды есеп - 2:6, 6:3, 6:4.

Жартылай финалда Елена Рыбакина Арина Соболенко (Беларусь) мен Хэйли Баптист (АҚШ) арасындағы матчтың жеңімпазымен кездеседі.

Елена Рыбакина әлемдік рейтингте екінші орынға көтерілді.

Еске салайық, бұған дейін Қазақстан әйелдер теннис құрамасының көшбасшысы Елена Рыбакина Әйелдер теннис қауымдастығы (WTA) жаңартқан әлемдік рейтингте екінші орынға көтерілгені туралы жаздық.