Іздеу Әуе компаниясы Дубаймен әуе қатынасын жандандырады
Жібек Наурыз
Air Astana әуекомпаниясының ұшақтары Дубайға қайта қатынай бастайды, деп хабарлайды Elordainfo.kz Air Astana әуе компаниясының баспасөз қызметіне сілтеме жасап.
Компанияның мәліметінше, Air Astana 20 маусымнан бастап Алматы-Дубай-Алматы және 10 шілдеден бастап Астана-Дубай-Астана тұрақты рейстерін жандандыруды жоспарлап отыр.
«Иран әуе кеңiстiгiнiң жабылуына байланысты ұшулар Пәкiстан арқылы қауiпсiз және сенiмдi әуе қатынасын қамтамасыз ету мақсатында орындалады», - делінген хабарламада.
Ұшу кестесі кезең-езеңмен кеңейтілетін болады:
Алматы-Дубай-Алматы
15-21 маусым: аптасына 2 рейс (сенбі, жексенбі)
22-28 маусым: аптасына 4 рейс (бейсенбі, жұма, сенбі және жексенбі)
29 маусым - 5 шілде: аптасына 6 рейс (күн сайын, сейсенбіден басқа)
6-12 шілде: аптасына 7 рейс (күн сайын)
Астана-Дубай-Астана
10-19 шілде: аптасына 3 рейс (жұма, сенбі, жексенбі)
20-26 шілде: аптасына 4 рейс (сейсенбі, жұма, сенбі, жексенбі)
27 шілде - 2 тамыз: аптасына 5 рейс (дүйсенбі және сәрсенбі күндерінен басқа барлық күндер)
3-9 тамыз: аптасына 7 рейс (күн сайын)
Билеттері 31 шілдеге дейін қайта брондалған жолаушыларға: 20 маусымнан бастап Алматыдан Дубайға, 10 шілдеден бастап Астанадан Дубайға ұшуға тегін қайта брондау ұсынылады.
«Әуе компаниясы аймақтағы оқиғаларды бақылайды және Таяу Шығыстағы жағдайға байланысты ұшу кестесін түзетуі мүмкін, сондай-ақ қосымша өзгерістер болған жағдайда жолаушыларды хабардар етеді», - делінген хабарламада.
Еске салайық, бұған дейін Air Astana әуекомпаниясы Таяу Шығыстағы шиеленіске байланысты Алматы және Астанадан Дубайға ұшатын рейстерді тоқтатқаны туралы жаздық.
