Астанада үш қабатты ғимараттан өрт шықты

Төтенше жағдайлар министрлігінің өрт сөндірушілері Астанада үш қабатты ғимараттан шыққан өртті сөндіріп жатыр, деп хабарлады Elordainfo.kz.

«Осы сәтте ТЖМ өрт сөндірушілері Астана қаласы «Сарыарқа» ауданы Ықылас Дүкенұлы көшесінде орналасқан 3 қабатты ғимараттың өртін сөндіріп жатыр.

Оқиға орнында құтқарушылар жоғары дәрежеде жұмыс істеп жатыр.

Зардап шеккендер туралы ақпарат 112-ге түскен жоқ», - делінген хабарламада. 

Өрт сөндіру оқпандары енгізілді, судың үздіксіз берілуі қамтамасыз етілді.

Оқиға орнында өрт сөндіру штабы құрылды, өртті сөндіруге 100 адам жеке құрам мен 24 техника жұмылдырылды.