Астанада тежегіші істемеген жүк көлігі ақылы жолдың төлем терминалын қиратты

Фото: ҚазАвтоЖол

Оқиға 26 қаңтарда түсте «Астана – Петропавл» ақылы автожолының 18 шақырымындағы жүк көліктеріне арналған жолағында болды, деп хабарлайды Elordainfo.kz «ҚазАвтоЖол» компаниясына сілтеме жасап.

26 қаңтарда сағат 13:40 шамасында «Астана – Петропавл» ақылы автожолының 18 шақырымындағы жүк көліктеріне арналған жолағында болды. «МАЗ» маркалы жүк көлігінің жүргізушісі тежегіш жүйесінің істен шығуына байланысты көлік тізгініне ие бола алмай, төлем алу терминалын соқты.

Оқыс оқиға салдарынан жүргізуші жарақат алып, оған шұғыл медициналық көмек көрсетілді. Төлем терминалына зақым келді, көлікті тіркеу жабдықтары істен шықты, сондай-ақ электр қуаты мен байланыс кабельдері үзілген.

Еске сала кетсек, Астанада жеті бағыттағы автобустар саны артты.