Абай облысы Мақаншы ауданы Алакөл көлінде жағалаудан 350 метр қашықтықта 6 адам отырған катамаран сынып қалды, деп хабарлады Elordainfo.kz.
Құтқарушылар жедел көмекке жетіп, катамаранды сүйреп, жасөспірімдерді жағаға жеткізді. Олар медициналық көмекке мұқтаж болмады, - делінген Төтенше жағдайлар министрлігінің хабарламасында.
Белгілі болғандай, катамаранның басқару тетігі істен шыққан.
Айта кетейік, бүгін Президент Қасым-Жомарт Тоқаев Алакөлдегі туристік қызмет сапасына қатысты Үкіметке тапсырма берді.
