Абай ұлттық мектебінде VІІІ республикалық «Абайтану» олимпиадасы өтті

Фото: ҚР Оқу-ағарту министрлігі

Дәстүрлі түрде өтетін бұл олимпиада «Адал азамат» тәрбие бағдарламасы аясында Абай мұрасы арқылы жас ұрпақты тәрбиелеп, оқушылардың зияткерлік және шығармашылық қабілеттерін дамыту мақсатында ұйымдастырылды, деп хабарлайды Elordainfo.kz Оқу-ағарту министрлігіне сілтеме жасап.

«Олимпиадаға 14 облыс, 3 республикалық маңызы бар қала және 3 республикалық білім беру ұйымынан 9-11 сынып оқушылары қатысып, сайыста барлығы 112 оқушы бақ сынады. Нәтижесінде 10 қатысушы І орынға, 16 қатысушы ІІ орынға, 23 қатысушы ІІІ орынға ие болып, 12 қатысушы арнайы грамоталармен марапатталды», - делінген хабарламада.

Бұл олимпиада - ұлттық руханиятты дәріптеп, жас буынның ой-өрісін кеңейтетін маңызды алаң.

Еске салайық, бұған дейін Абай мұрасы елордалық балабақшалар тәрбиесінің өзегіне айналғаны туралы жаздық.