Жеңіс Қасымбек: Серік Ақсұңқарұлы – тұтас қазақ еліне ортақ айбоз ақын

Бұл туралы Астана қаласының әкімі Жеңіс Қасымбек өзінің әлеуметтік желідегі парақшасында жазды, деп хабарлады Elordainfo.kz.

«Бүгін қазақтың ақиық ақыны, дарынды сөз зергері Серік Ақсұңқарұлы мерейлі 75 жасқа толып отыр. Бүгінде ел ағасына айналған Серік ағамызбен Қарағанды облысында еңбек еткен жылдары етене араластық. Ол қай кезде де ел-жұрттың сөзін сөйлеп, игі бастамалардың жаршысы болып жүретін. Ақын ретінде Серік ағамыздың отты жырлары қазақ әдебиетінің шоқтығы биік туындылары санатында. Сондықтан оны тек Арқа жұртына емес, тұтас қазақ еліне ортақ айбоз ақын деп білеміз. Бүгінгі мерейлі жасына орай Серік Ақсұңқарұлының әулетіне амандық, бақыт пен береке тілеймін», - деді әкім.