Ұландықтар шаруашылық құрылысынан шыққан өртті сөндірді

Ұлттық ұланның 6654 әскери бөлімі әскери қызметшілерінің өрт есебі өртенген шаруашылық құрылысын сөндірді, деп хабарлады Elorda.info.

Оқиға 23 желтоқсанда сағат 14.40-та болды. Кезекші бөлімге Қаракемер кентінде тұратын келісімшарт бойынша әскери қызметшісі кіші сержант Алексей Мешковтан өртті сөндіруге көмек сұрап қоңырау келіп түсті. Бұл сәтте өрттің жалыны сарайдан тұрғын үйге таралуы мүмкін еді, - деп жазылған Ұлттық ұланның баспасөз қызметі таратқан хабарламада.

Аға сержант Дінмұхамед Данибаев бастаған 5 адамнан тұратын өрт сөндіру көлігі  мен өрт сөндіру есебі өртенген  шаруашылық құрылысына қарай беттеді.  

Біз бұл жерге жеткенде, өрт таралмас үшін бірден өрт болған жерді және оған іргелес аумақты сөндіре бастадық. Мүлік пен заттарды алып шығу, сондай-ақ оқиға орнын қоршау ұйымдастырылды, - деді Дінмұхамед Данибаев.

Өрт сөндірушілер келгеннен кейін өрт тоқтатылды. Зардап шеккендер жоқ.