Қазақстанның БАӘ-дегі елшісінің кеңесшісі үстінен қылмыстық іс қозғалды

Фото: Оңалхан Өнерхан

Астана полициясы БАӘ-де жұмыс істеген қазақ дипломатының үстінен қылмыстық іс қозғалғаны туралы мәлімдеді, деп хабарлады Elorda.info.

Аталған факті бойынша қылмыстық іс қозғалды. Қажетті сараптама тағайындалды. Қазір тергеу жүргізіліп жатыр. Тергеу мүддесі үшін өзге ақпарат жария етілмейді,-делінген елорда полиция департаментінің баспасөз қызметі таратқан хабарламада.

Еске сала кетейік, БАӘ-дегі Қазақстан елшілігінде кеңесші болған Сәкен Мамаштың келіншегі Карина Мамаш күйеуінен таяқ жегенін әлеуметтік желіде айтып, Қазақстаннан көмек сұраған болатын. Арада көп уақыт өтпей сыртқы істер министрлігі Сәкен Мамашты Қазақстанға қайтарып алатынын мәлімдеген.